a3:19
b11:1, 12:39
cGen 17:1
d3:14, 15:2; Hlab 68:4, 83:18; Joha 8:58; Isam 1:4,8
eGen 15:18, 17:4,7
fGen 17:8, 28:4
g2:24
h6:2
i7:4; Dute 26:8; Hlab 136:11,12
j15:13; Gen 48:16
kDute 4:20
l29:45,46; Gen 17:8; Dute 29:13; Isam 21:7
m6:6, 5:4,5; Hlab 81:6
nGen 26:3
o5:21
p6:9
q4:10, 6:30; Levi 26:41; Jer 6:10, 9:26; Hez 44:7; Seb 7:51; Levi 19:23; Jer 1:6; Roma 2:29; Kol 2:11
rGen 46:9; 1 Lan 5:3
sGen 46:10; 1 Lan 4:24
tGen 46:11; Nani 3:17; 1 Lan 6:1,16
u6:18,20; Gen 47:28, 50:22
vNani 3:18; 1 Lan 6:17, 23:7
wNani 3:19, 26:57; 1 Lan 6:2,18
xNani 3:20; 1 Lan 6:19, 23:21
y2:1,2; Nani 26:59
zNani 16:1; 1 Lan 6:37,38
aaLevi 10:4; Nani 3:30
abRuthe 4:19,20; 1 Lan 2:10; Mat 1:4; Luka 3:33
acNani 1:7, 2:3, 7:12,17, 10:14; Mat 1:4; Luka 3:32
adLevi 10:1; Nani 3:2, 26:60; 1 Lan 6:3, 24:1
ae1 Lan 6:22
afNani 25:7,11; Josh 24:33; Hlab 106:30
ag6:13
ah7:4, 12:17,41,51; Nani 33:1
ai5:1,3, 7:10
aj6:2
ak6:11, 7:2
al6:12

Exodus 6

1INkosi yasisithi kuMozisi: Khathesi uzabona engizakwenza kuFaro; ngoba ngesandla esilamandla uzabayekela bahambe a, langesandla esilamandla uzabaxotsha elizweni lakhe b.

UMozisi ubizwa ngokwesibili

2UNkulunkulu wasekhuluma kuMozisi wathi kuye: NgiyiNkosi; 3njalo ngabonakala kuAbrahama, kuIsaka, lakuJakobe njengoNkulunkulu uSomandla c; kodwa ngebizo lami lokuthi uJehova ngangingaziwa kubo d. 4Njalo lami ngamisa isivumelwano sami labo e ukubapha ilizwe leKhanani f, ilizwe lobuhambuma babo, ababehlala kulo njengabezizwe. 5Futhi lami ngizwile ukububula kwabantwana bakoIsrayeli, amaGibhithe abagcine ebugqilini; njalo ngikhumbule isivumelwano sami g. 6Ngakho-ke tshono kubantwana bakoIsrayeli ukuthi: NgiyiNkosi h; njalo ngizalikhupha lisuke ngaphansi kwemithwalo yamaGibhithe i; ngilikhulule ebugqilini bawo, ngilihlenge ngengalo eyeluliweyo langezigwebo ezinkulu j. 7Njalo ngizazithathela lina libe yisizwe k, ngizakuba kini nguNkulunkulu l; njalo lizakwazi ukuthi ngiyiNkosi uNkulunkulu wenu, olikhupha lisuke ngaphansi kwemithwalo yamaGibhithe m; 8njalo ngizalingenisa elizweni engaphakamisa isandla sami ngalo ukulinika uAbrahama, uIsaka loJakobe, ngilinike lona libe yilifa n; mina, iNkosi. 9UMozisi wasekhuluma ngokunjalo kubantwana bakoIsrayeli; kodwa kabamlalelanga uMozisi o ngenxa yokukhathazeka komoya langenxa yobugqili obunzima.

10INkosi yasikhuluma kuMozisi isithi: 11Ngena ukhulume kuFaro, inkosi yeGibhithe, ukuthi ayekele abantwana bakoIsrayeli basuke elizweni lakhe. 12Kodwa uMozisi wakhuluma phambi kweNkosi esithi: Khangela, abantwana bakoIsrayeli kabangilalelanga p; pho-ke uFaro angangizwa njani, engingowendebe ezingasokanga q?

13INkosi yasikhuluma kuMozisi lakuAroni yabapha umlayo ngabantwana bakoIsrayeli langoFaro inkosi yeGibhithe ukukhupha abantwana bakoIsrayeli elizweni leGibhithe.

Inzalo kaMozisi lenzalo kaAroni

14Laba bazinhloko zezindlu zaboyise; amadodana kaRubeni, izibulo likaIsrayeli: OHanoki loPalu, oHezironi loKarimi; laba bazinsapho zikaRubeni r. 15Lamadodana kaSimeyoni: OJemuweli loJamini loOhadi loJakini loZohari loShawuli indodana yomKhananikazi; laba bazinsapho zikaSimeyoni s.

16Njalo la ngamabizo amadodana kaLevi ngezizukulwana zawo t: OGerishoni loKohathi loMerari; leminyaka yempilo kaLevi yayiyiminyaka elikhulu lamatshumi amathathu lesikhombisa u. 17Amadodana kaGerishoni v: OLibini loShimeyi ngezinsapho zawo. 18Njalo amadodana kaKohathi w: OAmramu loIzihari loHebroni loUziyeli; leminyaka yempilo kaKohathi yayiyiminyaka elikhulu lamatshumi amathathu lantathu. 19Njalo amadodana kaMerari x: OMahli loMushi. Laba bazinsapho zamaLevi ngezizukulwana zabo. 20UAmramu wasethatha uJokebedi udadewabo kayise, waba ngumkakhe. Wasemzalela uAroni loMozisi y. Leminyaka yempilo kaAmramu yayiyiminyaka elikhulu lamatshumi amathathu lesikhombisa. 21Njalo amadodana kaIzihari: OKora loNefegi loZikiri z. 22Lamadodana kaUziyeli: OMishayeli loElizafani loSithiri aa. 23UAroni wasezithathela uElisheba indodakazi kaAminadaba ab, udadewabo kaNashoni ac, waba ngumkakhe. Wasemzalela uNadabi loAbihu, uEleyazare loIthamari ad. 24Njalo amadodana kaKora: OAsiri loElkana loAbhiyasafa; laba bazinsapho zabakoKora ae. 25UEleyazare indodana kaAroni wasezithathela enye yamadodakazi kaPutiyeli, yaba ngumkakhe. Yasimzalela uPhinehasi af. Yizo lezi inhloko zaboyise bamaLevi ngezinsapho zazo. 26Lo nguAroni loMozisi iNkosi eyathi kubo ag: Khuphani abantwana bakoIsrayeli elizweni leGibhithe ngamabutho abo ah. 27Yibo labo ababekhuluma kuFaro inkosi yeGibhithe ai ukukhupha abantwana bakoIsrayeli eGibhithe; lo nguMozisi loAroni.

INkosi iyabalaya oMozisi loAroni

28Kwasekusithi mhla iNkosi ikhuluma kuMozisi elizweni leGibhithe 29iNkosi yakhuluma kuMozisi isithi: Mina ngiyiNkosi aj; khuluma kuFaro inkosi yeGibhithe konke engikukhuluma kuwe ak. 30UMozisi wasesithi phambi kweNkosi: Khangela, ngingowendebe ezingasokanga al; ngakho uFaro angangizwa njani?
Copyright information for Ndebele